WAHALA A NIHIKU

KINIMPHAVELA PAPAHI MWAKHA MUSYA

Kant de Voronha

Mèlo mwakha musyá. Atthu anjene annúkhuwela othuma ikuwó, sòlya, ikaruma sopattihá, itthuvó, sowuryá, yenla yenla. Vakhala wira akina ankela oxiha (orupelela), ephavelaka wona mwakha musyá ophiyaka, akina-tho nave aya ankela oxiha yihuttaka sowurya sohapala ni yiraka sotakhala.

Masi vamwakhani musya khula namanloko ohana ophavela ophuka makhalelo èmutthu, òxinna, a murettele, a xariya, owitthyala, ophenta, etc.

Masi khahi wira atthu othene ankela owerya wiputela sottapitta ni sosivasiva. Atthu akina ankela omurupela ehilyiye, ehiwenrye ophwanya etthu yowokano nipwipwi naya. Nave akina-tho, ankela wihuttaka erukulu mpakha wipeliwa khuhiyawerya omumula. Vanikhala wira olumwenku khoxariya. Makhalelo kharere ovirikana n’uthowa okhalihana.

Nnya, amusi akina ankela oviriha nihiku naya emureryaka papahi owarikiwa orattene emukhurelaka karakata. Mmota onsivawe humm! Omupuwela páhi kòmora isene. Masi sinkhuma wowi ihopa iyo sowuma sa papahi?

Marikato mamosa páhi a ihopa sowuma asuwelaxiwe vapoma ya Wamphula ankhala oBelenensi, muttetthe woMuhala. Vale vale, ohamelana nefera ya ittiminku. Vankhala wira ekekhai vahimmwaka wira “ele ehinìva, enoneneviha”.

Marikato obelenensi khontumihiwa papahiru, masi-tho mithinto sikina sovirikana sa ihopa ntoko mixoxo, nikusi, mikhopo, níye sikina sivoniha erukulu. Kihiwenhewo ikhoropa.

Masi ihopa iyo sinthumihiwa khuyathummwa ni makhalelo ohirerera. Khula okathi enrupaya epula nttophe ni eyuntte sinnulana opuro wothene yole. Vannanaraya, anamatumiha akina annitthonka nikusi naya vasulu vaikokhola sowunttelana khuyankha mpakha ohalaka omukwasa nattere. Akinasa annitumiha mapuro makina osukumanelana yuramelaka eyuntte. Iphepele ni axikokho akina onenevasa anira epalaseyaka khuyakwata ihopa seiyo enarusela n’ìretta saya. Nto ari wowi atokwene ale anettelela marikato miyeri mithanu ottuli yaroromeliha ophuka mapuro otumihiwaka? Kire toko obelenensiwe onnikuxiwa musurukhu khula nihikyu? Onvareliwani nto musokho wanamanloko? Vahiliyaliwe wira “murerelo ahu mulupalexa ekumi”. Ekina nkihimmye!KINIMPHAVELA PAPAHI MWAKHA MUSYA
Kant de Voronha
Mèlo mwakha musyá. Atthu anjene annúkhuwela othuma ikuwó, sòlya, ikaruma sopattihá, itthuvó, sowuryá, yenla yenla. Vakhala wira akina ankela oxiha (orupelela), ephavelaka wona mwakha musyá ophiyaka, akina-tho nave aya ankela oxiha yihuttaka sowurya sohapala ni yiraka sotakhala.
Masi vamwakhani musya khula namanloko ohana ophavela ophuka makhalelo èmutthu, òxinna, a murettele, a xariya, owitthyala, ophenta, etc.
Masi khahi wira atthu othene ankela owerya wiputela sottapitta ni sosivasiva. Atthu akina ankela omurupela ehilyiye, ehiwenrye ophwanya etthu yowokano nipwipwi naya. Nave akina-tho, ankela wihuttaka erukulu mpakha wipeliwa khuhiyawerya omumula. Vanikhala wira olumwenku khoxariya. Makhalelo kharere ovirikana n’uthowa okhalihana.
Nnya, amusi akina ankela oviriha nihiku naya emureryaka papahi owarikiwa orattene emukhurelaka karakata. Mmota onsivawe humm! Omupuwela páhi kòmora isene. Masi sinkhuma wowi ihopa iyo sowuma sa papahi?
Marikato mamosa páhi a ihopa sowuma asuwelaxiwe vapoma ya Wamphula ankhala oBelenensi, muttetthe woMuhala. Vale vale, ohamelana nefera ya ittiminku. Vankhala wira ekekhai vahimmwaka wira “ele ehinìva, enoneneviha”.
Marikato obelenensi khontumihiwa papahiru, masi-tho mithinto sikina sovirikana sa ihopa ntoko mixoxo, nikusi, mikhopo, níye sikina sivoniha erukulu. Kihiwenhewo ikhoropa.
Masi ihopa iyo sinthumihiwa khuyathummwa ni makhalelo ohirerera. Khula okathi enrupaya epula nttophe ni eyuntte sinnulana opuro wothene yole. Vannanaraya, anamatumiha akina annitthonka nikusi naya vasulu vaikokhola sowunttelana khuyankha mpakha ohalaka omukwasa nattere. Akinasa annitumiha mapuro makina osukumanelana yuramelaka eyuntte. Iphepele ni axikokho akina onenevasa anira epalaseyaka khuyakwata ihopa seiyo enarusela n’ìretta saya. Nto ari wowi atokwene ale anettelela marikato miyeri mithanu ottuli yaroromeliha ophuka mapuro otumihiwaka? Kire toko obelenensiwe onnikuxiwa musurukhu khula nihikyu? Onvareliwani nto musokho wanamanloko? Vahiliyaliwe wira “murerelo ahu mulupalexa ekumi”. Ekina nkihimmye!

Deixe uma resposta

O seu endereço de email não será publicado. Campos obrigatórios marcados com *