WAHALA A NIHIKU

OKATHI WA SÓKOPHA WÓPHIYA

Ni: Kant de Voronha

Ifesta sa womalani wa mwakha sinninkha, siri vakhiviru. Níya nto khasinrere ohonona muhakhu munjene. Wáttamelaka okathi ola khula mutthu onupuwelela withumela. Wiraka ohirina tivó onihalela awe wihopha, ohakalala onnithowa. Masi anamunjene tiyale nto anjawelela okopha ephavelaka ovukula ohawa. Wanikelela anhala yenxe numa mwaha wohona eliveryo miyeri sinttharelana. Ni vanto mitano etala kherere masi khuvo ontthuna ohala ottuli. Nnamwi ethoiwene ifesta sihiwunkhele.

Okajamiheya nno wothene onnikumiha owereya werutthu, opwexa muru, nawalaphila, nakothokotho, nitthu sikina. Tivó, okathi waifestola onnalemela anamunjene ahinona vowirela-vo. Wupuwela okopha annona, masi yonleya mmwaisana khatthikinhe. Muhithumeke vótakiha vo. Khula mmosa aisuwele.

Muhihiye mpakha nihiku nókiserya ele mukhanle anyu óthuma ninano va. Mana mahiku ene a ifesta isisapo tisinwelihaxiwaya. Siso, mwitthokihe sana, mutthurumele musako anyu, mwalikelele erino anyu wira muhikhwaranyihe icontha vowipuherya-vo. Tthiri, witthokiha ninano vá onnisyakiha otthimakasa.

Vava anamunjene aninlaya mwaha wowela edolare ninlelo onnisareiwa mapuro ale munkuxiwa musurukhu, wATM’s. Masi, owela waisisapo khontthikela ottuli. Ale ahirino yaphiya omarikato munaphwanya evarenle muru matata manli enanla ikuttho sánamukhwa.

Vekekhai àkhala atthu anjene ankela oviriha ifesta iya ehilyiye etthu. Akina tiyale ahilinve iye sikompheya mmwaisana obanco walá nátthu akina.

Muhikophé mwirelaka ekuwo ya festa páhi, wahiso othuma sowawasa, itthu seiye sóthikila ikatha sapatta. Mupuwele sana, ole onkopha ohana omutthikiherya munene vóhikhotto-vo. Ekina nkihimmye!

Deixe uma resposta

O seu endereço de email não será publicado. Campos obrigatórios marcados com *